تحذير من كاميرا اللاب توب

السلام عليكم

الرسالة جايتني على الاميل وحبيت انقلها للي عندهم اللابتوب و إنا ما عندي الحمد لله

تعرفون إن في الفترة هذه انتشرت اللابتوبات اللي فيها كاميرا

وأي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا

لكن اللي أغلبكم ما يعرفه انه انتشر برضو برنامج
يشغل الكاميرا بالمسنجر أو السكايبي وأنت ما تدري
يعني راعي البرنامج يدخل عليك ويشوفك وأنت تحسب كاميرتك طافية
والادهي في الأمر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< هذه ميزة بمسنجر بلس

واللي خلاني اكتب الموضوع هالسالفة :

يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
وشفته مبين عليه الهم والغم والدنيا مو شايلته
سالته وش فيك ؟

وقالي سمعت عن البرنامج اللي يشغل كاميرا النت
قلت له ايييييه وش بلاه

قال انا يوم السبت تارك ماسنجري مفتوح واللابتوب مشغل
ورحت اتروش ورجعت ابدل بغرفتي <<< يعني كان عريان <<

يقول شويه واسمع صوت المسن اللي يطلع لو احد كتب لك كلام
ولما دخلت الا واحد يقولي شخبارك ومن هالكلام
وما امداه اخذ دقيقتين الا يقولي بوريك شيء .. مقطع فيديو

خويي تحمس وجا يبي يطالع الا المسكين شاف نفسه وهو يبدل

يقول خويي الحمد لله ما اغمي علي ولما اخذ وعطى
الولد قاله اذا ما تبي المقطع ينتشر ادفع لي 1000 ريال شحن سوا ترسلها لي

طبعن خويي ما وافق لانه عارف ان الولد بيرجع له مرة وثنتين و3

الولد للاسف عمره 21 ومبين عليه ( طعس ) وعاطل ومو هامه احد
حتى لما خويي قاله اتق الله فيني قاله مو شغلي ولا تفتحلي مواضيع دين

المهم ان الولد مهدد انه ينتشر المقطع
وخويي لما امس وهو مصدوم وحالته حاله وخايف

والسبب كله كاميرا اللابتوت اللي حنا فرحانين فيها

عشان كذا نصيحة مني لكم شوفو لها حل
غطوها بورقه او **ردوها وجيبو غيره
ارجو من الجميع نشر هذه الرسالة للفائدة